Էմինեմը երկրորդ անգամ պապիկ է դառնալու։ Ռեփերի որդեգրված դուստրը՝ Ալայնա Սքոթը, երեխայի է սպասում։ Նա ուրախալի լուրով կիսվել է սոցիալական ցանցերում՝ կից հուզիչ գրառում անելով։
«Մաղթում եմ լավագույնը քեզ և ինձ։ Ամիսներ շարունակ ես իմ մեջ կրում էի մի փոքրիկ սիրտ, որն արդեն ամեն ինչով փոխել է ինձ։ Փոքրիկ, մենք անհամբեր սպասում ենք քեզ հետ ծանոթանալուն», – գրել է Ալայնա Սքոթը։
Ռեփերը Ալայնային որդեգրել է 2000-ականների սկզբին, երբ նրա կենսաբանական մայրը պայքարում էր կախվածության դեմ։ «Այժմ ես ունեմ իմ զարմուհու լիակատար խնամակալությունը, որը իմ կյանքի մի մասն է եղել ծնվելուց ի վեր։ Քիմը և ես գրեթե միշտ նրա հետ էինք. նա ապրում էր մեզ հետ, որտեղ էլ որ մենք լինեինք», – ասել է ռեփերը 2004 թվականին Rolling Stone-ին տված հարցազրույցում։
2023 թվականին Ալայնան ամուսնացել է իր սիրելի Մեթ Մոլլերի հետ։ Էմինեմն ինքը և նրա դուստր Հեյլին մասնակցել են Դետրոյթում կայացած արարողությանը։
