Շակիրան իր երեխաներին աշխատանքի էր բերել։ 12-ամյա Միլանը և 10-ամյա Սաշան բեմում ելույթ են ունեցել իրենց աստղային մոր հետ։
48-ամյա երգչուհին Բուենոս Այրեսում կայացած իր համերգից լուսանկար է հրապարակել Ինստագրամ սոցիալական ցանցում։ «Կախարդական էր երգել երեխաների հետ և դիտել, թե ինչպես են նրանք արտահայտում իրենց ներսում կրած երաժշտությունը, ինչպես նաև դիտել, թե ինչպես են ընտանիքները երգում և գրկախառնվում», – խոստովանել է Շակիրան։
Հատկապես ուշագրավ են հայտնի ընտանիքի հագուստները. կոլումբիացի երգչուհին ընտրել էր ջրահարսի ոճի զգեստ, մինչդեռ տղաները հագել էին նույն երանգի կոստյումներ՝ համապատասխանելով մոր հագուստին։
Շակիրայի և Ժերար Պիկեի բաժանումից անցել է երեք տարի։ Տևական ժամանակ երգչուհին փորձում էր հաղթահարել ֆուտբոլիստից բաժանումը, բայց, կարծես, դա արդեն անցյալում է։
