Քրիստինե Պեպելյանը կիսվել է որդու հետ իրենց զրույցներից մեկով: Տեսանյութում փոքրիկ Արեգը խոստանում է պաշտպանել մայրիկին և ոչ մեկին թույլ չտալ նրան նեղացնել ու վիրավորել: Երգչուհին որդուն խորհուրդ է տալիս այնպիսի մարդ լինել, որին կհարգեն, այլ ոչ թե կվախենան: Գրում է BRAVO.am-ը:
«Իմ Արեգ տղա, դու դեռ փոքր ես եւ կյանքը քեզ համար դեռ խաղ է, ժպիտ ու անհոգ օրեր։ Շատ բան դեռ չես հասկանում այս աշխարհի խաղերից ու փորձություններից։
Բայց իմացիր, որ ամենակարեւորը ցանկացած իրավիճակում մարդ մնալն է։ Կյանքում ազնիվ ընկերներ ընտրիր, տղաս։ Ու կարեւոր չէ՝ ինչ ունեն նրանք կամ ինչ կարող են տալ քեզ նյութական առումով։ Կարեւորը՝ ինչ սիրտ ունեն ու ինչ արժեքներ այդ սրտի մեջ: Համոզված եղիր` մաքուր ու ազնիվ սիրտն է մարդու ամենամեծ պարգեւն ու հարստությունը, որը ոչ ոք չի կարող խլել»,- գրել է նա:
Պեպելյանը ցանկանում է, որ Արեգը շիտակ լինի իր խոսքերում ու քայլերում, օգտակար լինի մարդկանց, բայց ոչ շահի համար. «Հիշիր, տղաս, բարություն անելն ուժ է, ոչ թե թուլություն։ Մարդ եղիր, տղաս: Մարդ մնա ինչ էլ, որ լինի: Ու հիշիր, որ քեզնով ես աշխարհի ամենաերջանիկ մայրն եմ»:
