Փոլ Բեթանին արձագանքել է Հարրի Փոթերի նոր սերիալում Խավարի Լորդի դերը խաղալու մասին լուրերին։ Նա նշել է, որ իրեն չեն դիմել Հարրի Փոթերի սերիալում նկարահանվելու կամ Լորդ Վոլդեմորտի դերը առաջարկելու համար, ըստ Deadline-ի։
«Ես ոչինչ չեմ լսել այդ մասին։ Ես ֆրանշիզայի և HBO-ի մեծ երկրպագու եմ, բայց ոչ ոք ինձ հետ կապ չի հաստատել այդ հարցով»,- ասել է դերասանը։
Wizarding World Direct-ը նախկինում հայտնել էր, որ դերասանը համարվում էր Խավարի Լորդի դերը խաղալու առաջատար հավակնորդ սպասվող հեռուստանախագծում։ Սակայն ո՛չ HBO-ն, ո՛չ էլ Warner Bros.-ը պաշտոնապես չեն հաստատել այս տեղեկատվությունը։
Ինչ վերաբերում է Փոլ Բեթանին, ապա դերասանը հանդիսատեսին հայտնի է Marvel կինեմատոգրաֆիական տիեզերքում Վիժնի դերով, այդ թվում՝ WandaVision սերիալում, ինչպես նաև «Վրիժառուները. Ալտրոնի դարաշրջանը» և «Կապիտան Ամերիկա. Քաղաքացիական պատերազմ» ֆիլմերում։
