The Times-ին տված հարցազրույցում 44-ամյա դերասանուհի Շառլոտ Ռայլին անկեղծորեն խոսել է 48-ամյա դերասան Թոմ Հարդիի հետ իր ամուսնության մասին: Զույգը միասին է արդեն 11 տարի և մեծացնում է երկու որդու՝ 10-ամյա Լեոյին և յոթամյա Ֆորեսթին։
Շառլոտ Ռայլին ասել է, որ մինչև իր երեխաները բավականաչափ մեծանան, նա նախընտրում է տանը մնալ, այդպիսով ապահովելով «ընտանեկան կայունություն»: Ահա թե ինչու դերասանները խուսափում են միաժամանակ նախագծերի վրա աշխատելուց։
Ինչպես պարզվում է, Թոմն ու Շառլոտը սիրում են ժամանակ անցկացնել իրենց որդիների հետ՝ զբաղվելով ստեղծագործական գործունեությամբ: «Մենք շատ ենք նկարում որպես ընտանիք: Խոհանոցը մեր արվեստի ստուդիան է՝ բազմաթիվ գեղարվեստական պարագաներով, մեծ կտավներով և կավե քանդակներով: Մեզանից մեկը սկսում է [նկարել], իսկ մեկ ուրիշը գալիս է և լրացնում է այն: Երբեմն մենք ժամեր ենք ծախսում դրա վրա, երբեմն պարզապես թողնում ենք այն», – ասել է Շառլոտ Ռայլին։
Չնայած Շառլոտ Ռայլին և Թոմ Հարդին հայտնի դեմքեր են, նրանց որդիները, որպես կանոն, հեռու են մնում շոու բիզնեսի աշխարհից:
