Louis Vuitton-ը ներկայացրել է իր նոր բարձրակարգ հավաքածուի գլխավոր զարդը՝ «Conquest» անվանումով շքեղ վզնոցը: Վզնոցը զարդարված է Մոզամբիկից բերված 21 հազվագյուտ ռուբինով՝ ընդհանուր 21.87 կարատ քաշով։ Թանկարժեք քարերը առանձնանում են վառ կարմրավարդագույն երանգով և բարձր թափանցիկությամբ, ինչի շնորհիվ համեմատվում են պատմական բիրմայական ռուբինների հետ։ Կոմպոզիցիայի կենտրոնում տեղադրված է նաև 1.07 կարատանոց հատուկ LV Monogram Star կտրվածքով ադամանդ։ Գրում է Radar-ը:
Այս զարդի ստեղծման վրա աշխատել են շուրջ չորս տարի։ Միայն կատարյալ ռուբինների ընտրության գործընթացը երկար ժամանակ է պահանջել, իսկ պատրաստման համար ծախսվել է ավելի քան 1200 ժամ ձեռքի աշխատանք։ Վզնոցի դիզայնում օգտագործվել են 18 կարատանոց դեղին, սպիտակ և վարդագույն ոսկի, ինչպես նաև օնիքս։ Ռուբինները տեղադրված են նիզակի ձև հիշեցնող կառուցվածքներում, որոնք խորհրդանշում են ուժ, առաջընթաց և հաղթանակ։
«Conquest»-ը դարձել է Mythica հավաքածուի գլխավոր խորհրդանիշը։ Հավաքածուն ներառում է 110 յուրահատուկ զարդ՝ պատրաստված կոլումբիական զմրուխտներով, ակվամարիններով, բնական ցիրկոններով և այլ հազվագյուտ քարերով։
