Արքայազն Հարրիի և բրիտանական մամուլի հարաբերություններում կրկին ամեն ինչ հարթ չէ: Սասեքսի դուքսը պարտվել է Daily Mail-ի հրատարակչի դեմ բազմամյա դատական գործընթացը, հայտնում է People-ը:
Դատարանի որոշման մասին հայտնի է դարձել, երբ Հարրին գտնվում էր Լոնդոնում՝ միջոցառման մասնակցելու նպատակով: Նրա հետ միասին հայց էին ներկայացրել ևս վեց հայտնի անձինք, որոնց թվում են Էլթոն Ջոնը, Էլիզաբեթ Հերլին և Սեդի Ֆրոստը: Նրանք պնդում էին, որ պարբերականները հրապարակել են նյութեր՝ օգտագործելով անօրինական ճանապարհով ստացված տեղեկություններ, այդ թվում՝ մասնավոր դետեկտիվների, խարդախության, հեռախոսների գաղտնալսման և կաշառքի միջոցով:
Այնուամենայնիվ, դատարանը մերժել է բոլոր հավակնությունները: Դատավորը վճռել է, որ հայցվորները չեն կարողացել ապացուցել իրենց մեղադրանքները, իսկ միայն կասկածները բավարար չեն: Հարրիի համար սա լուրջ հարված է, քանի որ բրիտանական տաբլոիդների դեմ պայքարը վերջին տարիներին դարձել է նրա գլխավոր հանրային թեմաներից մեկը: Այդուհանդերձ, դատարանի դահլիճում նա պահպանել է հանգստությունը:
Պարբերականի ներկայացուցիչները որոշումն անվանել են «համոզիչ հաղթանակ» Daily Mail-ի, դրա լրագրողների և ընդհանուր առմամբ ազատ մամուլի համար: Այժմ հրատարակիչը մտադիր է նաև հասնել դատական ծախսերի փոխհատուցման:
