Նախկին ամուսիններ Բրեդ Փիթի և Անջելինա Ջոլիի միջև երկարատև դատական վեճը, որը կապված է նրանց Chateau Miraval գինեգործարանի հետ, նոր ընթացք է ստացել: 62-ամյա Փիթը դատական հայց է ներկայացրել՝ պահանջելով, որ 51-ամյա դերասանուհին բացահայտի իր եկամուտները՝ հաշվի առնելով նրա պնդումները, որ իր կարիերան «դադարեցված է»: Հայտնում է Tert.am-ը:
Daily Mail-ի տվյալներով՝ դերասանը պաշտոնապես դատական հայց է ներկայացրել՝ պահանջելով, որ նախկին կինը տրամադրի 2017-2019 թվականների ամբողջական ֆինանսական հաշվետվությունները: Գրում է Spletnik-ը։
Դերասանուհին պնդում է, որ 2016 թվականին իրենց բաժանումից հետո ինքը ստիպված է եղել էապես դադարեցնել իր կարիերան և հրաժարվել բազմաթիվ շահութաբեր դերերից։ Սա, ըստ նրա՝ դրել է խոցելի ֆինանսական վիճակում և ճնշման տակ է եղել Փիթի կողմից, ով իրենց բիզնեսն օգտագործել է որպես վերահսկողության լծակ։ 2019 թվականին Անջելինան որոշել է վաճառել իր բաժնեմասը (որն ի վերջո անցել է ռուս միլիարդատեր Յուրի Շեֆլերին)՝ երկար սպասված ֆինանսական անկախության հասնելու համար։ Բրեդ Փիթի փաստաբանները պնդում են, որ դերասանուհին անկեղծ չէ։
Սկզբում Ջոլին համաձայնվեց հրապարակել իր եկամուտները հինգ տարվա ընթացքում (2017-ից 2021 թվականներ), սակայն հետագայում փոխեց իր միտքը և հարկային հայտարարագրեր և բոնուսների մասին տեղեկատվություն ներկայացրեց միայն 2020 և 2021 թվականների համար: Փիթի թիմը ցանկանում է ստուգել, թե արդյոք դերասանուհին իրականում միլիոններ է կորցրել, և պահանջում է փաստաթղթեր ավելի վաղ ժամանակահատվածի համար։
Ջոլին հերքում է մեղադրանքները: Նրա ներկայացուցիչները պնդում են, որ Բրեդը նրա խոսքերը հանում է համատեքստից: Նրանք պնդում են, որ Անջելինան երբեք չի բողոքել աղքատության կամ ֆինանսական ճգնաժամի համար. նա պարզապես ցանկացել է ամբողջությամբ ազատ լինել նախկին ամուսնուց: Ջոլիի պաշտպանական թիմը Փիթի պահանջը՝ ուսումնասիրել նրա հին հաշիվները, անվանել է «նրա անձնական կյանքի կոպիտ խախտում»:
Զույգը, որը մի ժամանակ համարվում էր Հոլիվուդի ամենագեղեցիկներից մեկը, բաժանվել է 2016 թվականին՝ աղմկոտ սկանդալից և մասնավոր ինքնաթիռում ենթադրյալ վեճից հետո: Այդ ժամանակվանից ի վեր աստղերը երկարատև դատական վեճի մեջ են իրենց վեց երեխաների խնամակալության համար (նրանք, ի վերջո, մնացին մոր հետ և այժմ հրաժարվում են հոր ազգանունից) և իրենց համատեղ ունեցվածքի բաժանման համար:
