62-ամյա դերասան Բրեդ Փիթը կեցվածք է ընդունել ամերիկյան Esquire ամսագրի համար և հարցազրույցի ժամանակ բացահայտել է Անջելինա Ջոլիից իր սկանդալային ամուսնալուծության և երեխաների հետ իր հարաբերությունների մասին: Հայտնում է Tert.am-ը:
Փիթը հստակեցրել է, որ Ջոլիից ցավոտ ամուսնալուծության ժամանակ լրջորեն մտածել է ինքնասպանության մասին։ Նրա խոսքով՝ Ջոլին հրապարակավ մեղադրել էր իրեն բռնության մեջ և դատարանի միջոցով խլել իրենց բոլոր երեխաներին:
«Ես երբեք ինքնասպանության մտքեր չեմ ունեցել, բացառությամբ այդ կարճ ժամանակահատվածի։ Եվ այդ ժամանակ ես պարզապես ելք չէի տեսնում։ Ցավն այնքան անտանելի էր», նշել է Փիթը։
Դերասանը խոստովանել է, որ «նախանձում է» երջանիկ ընտանիքներին։
Բրեդ Փիթը և Անջելինա Ջոլին ամուսնացել են 2014 թվականին՝ ինը տարվա հարաբերություններից հետո, սակայն երկու տարի անց դերասանուհին ամուսնալուծության հայց է ներկայացրել: Զույգի ամուսնալուծությանը հաջորդել են երկարատև դատական վեճեր երեխաների խնամակալության և ունեցվածքի բաժանման վերաբերյալ։ Զույգն ունի վեց երեխա՝ որդեգրված երեխաներ Մեդոքսը, Փաքսը և Զահարան, ինչպես նաև կենսաբանական Շայլոն և երկվորյակներ Վիվիենն ու Նոքսը։ Փիթի գրեթե բոլոր երեխաներն այժմ հրաժարվել են նրա ազգանունից:
