Դիմա Բիլանը ցանկություն է հայտնել երրորդ անգամ Ռուսաստանը ներկայացնել «Եվրատեսիլ» մրցույթին

Ռուս երգիչ Դիմա Բիլանը ցանկանում է երրորդ անգամ մասնակցել «Եվրատեսիլ» երգի միջազգային մրցույթին:

Աղբյուրի փոխանցմամբ՝ երգիչը նշել է, որ կիսում է հեռուստադիտողների կարծիքը, որ «Եվրատեսիլի» մասնակիցը պետք է ընտրվի հանդիսատեսի քվեարկության միջոցով: «Եթե մրցույթի մասնակիցն ընտրվի ազգային քվեարկությամբ, ապա ինձ հետաքրքիր է՝ ես կարո՞ղ եմ երրորդ անգամ մասնակցել «Եվրատեսիլին», թե՞ ոչ»,- նշել է Բիլանը:

Երգչի խոսքով՝ այդ հռետորական հարցադրմամբ ինքը հույս է տալիս երկրպագուներին, որոնք երազում են նրա՝ դեպի «Եվրատեսիլ» վերադարձի մասին: