Հայտնի են վերջին տասնամյակի լավագույն տեսահոլովակները

BuzzFeed պորտալը ներկայացրել է տասնամյակի լավագույն 50 տեսահոլովակները: Վարկանշային աղյուսակը հայտնվել է պորտալի պաշտոնական կայքում:

Մասնագետներն ընտրել են յուրաքանչյուր տարվա լավագույն երաժշտական տեսահոլովակները՝ սկսած 2010 թվականից:

2010-ի լավագույն տեսահոլովակների շարքում հայտնվել է Ադելի Rolling in the Deep տեսահոլովակը: Նա հավաքել է 1,6 միլիարդ դիտում:

Gotye-ի 1,2 միլիարդ դիտումներով Somebody That I Used To Know տեսանյութը դարձել է 2011 թվականի համար լավագույնը:

2012-ին 404 միլիոն դիտումով Pink-ի Try-ը դարձել է ամենասիրվածը:

2013-ին Մայլի Սայրուսի Wrecking Ball-ը ունեցել է 1 միլիարդ, 2014-ին Sia-ի Chandelier տեսահոլովակը՝ 2.1 միլիարդ դիտում: 2015-ին Ջասթին Բիբերի Sorry տեսահոլովակը դիտել են 3.2 միլիարդ անգամ:

Ցուցակում ներառվել են նաև 2016-ին Բեյոնսեի Formation-ը, 2017-ին՝ Լուիս ֆոնսիի և Daddy Yankee-ի Despacito-ն, 2018-ին՝ Դրեյքի God’s Plan-ի տեսահոլովակը, իսկ 2019-ին` Jonas Brothers-ի Sucker երգի տեսահոլովակը: