Ռեժիսոր Ջեյմս Քեմերոնը վստահ է, որ «Ավատար» ֆիլմի շարունակությունը գերազանցելու է Marvel կինոստուդիայի ֆիլմերի դրամարկղային մուտքերի ռեկորդը: Նա նաև ցանկանում է կրկին կինոթատրոններում ցուցադրել «Ավատար» ֆիլմը՝ ֆիլմի հաջորդ մասերի թողարկումից առաջ։
Քեմերոնի կարծիքով՝ դա անհրաժեշտ է, որպեսզի հանդիսատեսը հիշի 2009 թվականին թողարկված ֆիլմի սյուժեն:
Ռեժիսորը հայտնել է, որ թեև հարգում է Marvel կինոստուդիային և մեծ բավականություն է ստացել նրանց «Վրիժառուները: Վերջնախաղ» ֆիլմից, սակայն միանգամայն վստահ է, որ «Ավատար 2»-ը գերազանցելու է կինոստուդիայի գրանցած դրամարկղային մուտքերի ռեկորդները:
ԱՄՆ-ում «Ավատար 2» ֆիլմն էկրաններին կբարձրանա 2021 թվականի վերջին: Գլխավոր դերերում հանդես կգան Սեմ Ուորթինգտոնը, Զոյի Սալդանան, Սիգուրնի Ուիվերը և Մուռ Ջոելը։
