Օրերս YouTube վիդեոհարթակը տոնում էր իր 15-ամյակը: Դրա կապակցությամբ NewsWeek-ը հրապարակել է վիդեոհարթակում ամենից շատ դիտումներ հավաքած տեսահոլովակների ցանկը:
Այսպես, 2005 թվականին օգտատերերի շրջանակում ամենից հայտնի տեսանյութը Բրազիլիայի հավաքականի ֆուտբոլիստ Ռոնալդինյոի մարզումների տեսանյութն էր:
Մեկ տարի անց դիտումների քանակով առաջ անցավ Ջուդսոն Լայպլիի The Evolution of Dance-ը: Այս հոլովակը ռեկորդակիրների շարքում մնաց 2 տարի:
2008 թվականին ամենից շատ դիտված հոլովակը կանադացի երգչուհի Ավրիլ Լավինի Girlfriend-ն էր:
Մեկ տարի անց այն իր տեղը զիջեց ընտանեկան հոլովակին: Օգտատերերին զվարճացրել էր, թե ինչպես է փոքր եղբայրը կծում մեծի մատը:
2009-2011 թվականներին առաջատար էր Ջասթին Բիբերի Baby տեսահոլովակը:
Հարավկորեացի ռեփեր Psy-ի Gangnam Style-ը 2012-ի լիդերն էր: Այս ռեկորդը ոչ ոք չկարողացավ գերազանցել շուրջ 5 տարի:
Լուիս Ֆոնսին և Դեդի Յանկիի Despasito տեսահոլովակը 2017-ից ի վեր շարունակում է մնալ առաջատար: Նրանց տեսահոլովակը հավաքել է ավելի քան 6 միլիարդ դիտում:
