Ամերիկացի դերասան Թոմ Հոլանդը բացահայտել է Marvel-ի կոմիքսներից Սարդ մարդ սուպերհերոսի մասին ֆիլմի երրորդ մասի մանրամասները, հաղորդում Է ET Canada-ն:
«Մենք նկարահանումները կսկսենք այս տարվա հունիսին՝ Ատլանտայում։ Ինչ վերաբերում է Marvel-ի այլ նախագծերում իմ հայտնվելուն, վստահ չեմ, որ ստուդիայում ինձ նման առաջարկ կանեն»,- մեկնաբանել է Հոլանդը։
Դերասանը հաստատել է, որ ամերիկացի դերասանուհի Զենդայա Քոուլմանը կրկին հանդես կգա ֆիլմում։ Նախորդ ֆիլմերում նա խաղացել է Փիթեր Փարքերի ընկերուհու դերը։
Ֆիլմի երրորդ մասի թողարկումը նախատեսված է 2021 թվականի հուլիսին։
