«Պատերազմը մեզնից խլեց իմ միակ երիտասարդ քեռուն»․ Անդրեի հուզիչ գրառումը

Երգիչ Անդրեն ինստագրամյան իր էջում հրապարակել է իր «Ես չեմ ուզում պատերազմ լինի» երգը, որին կից գրել է.

«1992 թվականի ապրիլի 2-ին պատերազմը խլեց մեզանից իմ միակ երիտասարդ քեռուն, ում դին մասնատված կտորներով 2 ամիս հետո հայրս հայտնաբերեց իր ֆիդայի ընկերների հետ։ Հագուստի մի փոքր վառված մասնիկով հայրս իմացավ՝ Վանիկի մասունքն է… 2 օր անց հորեղբայրս ծանր վիրավորվեց մարտի դաշտում և գերի ընկավ ու քանի որ Ագոն շատ հաղթանդամ էր, ցավոք, չեն հասցրել նրան օգնեն։ Մինչ օրս սպասում ենք մեր հերոսին…

Ապրիլի 2, 2016թ. կրկին վերապրեցինք այն չսպիացած ցավը, որովհետև դաժան ու անկուշտ պատերազմը նորից անմահացրեց մեր մերոսներին»։

Անդրեն գրառումն ամփոփել է մեջբերելով հրապարակած երգից մի հատված․

«Ես չեմ ուզում պատերազմ լինի,
Ես չեմ ուզում մայրերը լան,
Թող չիմանան մեր մանուկները
ինչ է պատերազմը…»