Ինչպես արդեն օրեր առաջ նշել էինք, հայտնի դիմահարդար Գոհար Ավետիսյանը տնային մեկուսացման օրերը զուր չի կորցնում։ Նա ամեն անգամ նոր դիմահարդարումներ է անում և քայլ առ քայլ դրանք սովորեցնում իր միլինոնավոր հետևորդներին՝ իր կազմակերպած նոր մրցույթի շրջանակներում։
Այսօր Գոհարը ներկայացել է բոլորիս սիրելի «Ալադդին» հայտնի մուլտֆիլմի արքայադստեր՝ Ժասմինի կերպարով, վառ դիմահարդարմամբ ու իրեն հատուկ ոճով մակագրել լուսանկարների շարքը։ «Սիրելինե՛ր, այսօր մեր հյուրն է արքայադուստր Ժասմինը։ Չնայած մենք արդեն տեսնում ենք այս հեքիաթի շարունակությունը։ Մեր արքայադուստրն ամուսնացած է և սպասում է փոքրիկ արքայազնի», – գրել է Գոհարը։
