Քնի ռեժիմը կարգավորելու հինգ օգտակար խորհուրդ

Կոֆեինի պարունակությամբ ըմպելիքները լավ են այն դեպքում, եթե պատրաստվում եք գիշերը արթուն մնալ։ Այնպես որ հանգստացնող ազդեցության համար պետք է զերծ մնալ էներգետիկ ըմպելիքներից և սուրճից, քնելուց առնվազն 6-8 ժամ առաջ:

Եթե ձեզ թվում է, որ գինին կամ այլ ուժեղ ալկոհոլային խմիչքները կօգնեն քնել, ապա դուք սխալվում եք, որովհետև ալկոհոլը ձեզ կստիպի դժվար շնչել, անդադար շրջվել այս ու այն կողմ ու երազի մեջ անհանգստանալ:

Ձեր մարմինը և ուղեղը հանգստացնելու համար շատ կարևոր է, որպեսզի օրգանիզմում կատարվող բոլոր գործընթացները դանդաղ ու միաժամանակ սկսվեն ու մարմնի ջերմաստիճանը սկսի իջնել՝ պատրաստելով օրգանիզմը քնին: Այս դեպքում օգնում է եթերային յուղերով տաք լոգանքը։

Հաճելի երաժշտությունը կօգնի հանգստանալ ծանր օրվանից հետո։ Կարող եք բնության հնչյուններ կամ թռչունների ձայն միացնել, վայելել հանգիստն ու պատրաստվել քնելուն։

Քնելուց 2-3 ժամ առաջ պետք է հրաժարվել ճարպային, կծու և տապակած կերակուրներից: