Ռուսական RT հեռուստաալիքի և «Ռուսաստանն այսօր» լրատվական գործակալության գլխավոր խմբագիր Մարգարիտա Սիմոնյանն Instagram սոցցանցի իր էջում երկու տեսանյութ է հրապարակել, որոնցում ինքն ու ամուսինը՝ հայտնի ռեժիսոր, հաղորդավար Տիգրան Քեոսայանը, հաղորդավար Վլադիմիր Սոլովյովին խոստովանում են, թե կորոնավիրուսի համավարակի հետևանքով սահմանված կարանտինային ռեժիմի ընթացքում ինչն է իրենց ամենաշատը «հունից հանում»։
Սոլովյովը եթերում Մարգարիտա Սիմոնյանին և Տիգրան Քեոսայանին հարցնում է, թե ինչն է ամենաշատը բարկացնում իրենց կարանտինի ընթացքում, ինչին ի պատասխան՝ Քեոսայանը կատակով հայտնում է, որ կցանկանար Սիմոնյանին տեսնել նաև վարսահարդարի դերում։
«Բարկացնում է այն, որ այդքան կրթության հետ մեկտեղ վարսահարդարում չի սովորել»,-նշել է Քեոսայանը՝ ցույց տալով իր երկարած մազերը։
Մարգարիտա Սիմոնյանը հաղորդավարի նույն հարցին պատասխանել է՝ ասելով, որ «բարկացնում է այն, որ իր ամուսինն այնքան լավն է, որ նա բարոյական ոչ մի իրավունք չունի որևէ վատ բան անելու»:
