Կարանտինի ընթացքում, երբ գեղեցկության սրահները փակ են, կանանց ու աղջիկների համար դժվար է զբաղվել արտաքինի խնամքով և առավել ևս, հետևել ժամանակակից թրենդներին։ Սակայն Կարանտինը հավերժ չէ, և շուտով, երբ ողջ աշխարհը պատուհասած համավարակը սկսի նահանջել, բոլորը կվերադառնան իրենց կյանքի բնականոն ընթացքին ու ժամանակ կունենա հետևելու 2020 թվականի գլխավոր թրենդներին։
Նշենք, որ դիմահարդարման մեջ այս տարվա գլխավոր թրենդը աչքերի արտահայտիչ շպարն է, որի համար հարկավոր է օգատգործել որքան հնարավոր է շատ, վառ ու փայլուն գույներ։ Իհարկե, այստեղ կարևորը չափի զգացումն է, որպեսզի շքեղությունը չվերածվի անճաշակության։
Ձեզ ենք ներկայացնում աչքերի դիմահարդարման մի քանի գեղեցիկ տարբերակներ, որոնք ցույց կտան, որ գույնզգույն ստվերափոշով ու փայլերով շպարը առանձնահատուկ տեսք է հաղորդում յուրաքանչյուր կնոջ։
Սակայն մինչ այդ հիշեցնենք, որ ստվերափոշով դիմահարդարման որոշ սխալներ կարող են մի քանի տարով մեծացնել Ձեր տարիքը:
Հիշեք, որ ամբողջ կոպի մակերեսին քսված մուգ ստվերափոշին արհեստականորեն կավելացնի Ձեր տարիքը: Եթե ցանկանում եք ավելի երիտասարդ երևալ, մուգ ստվերափոշին քսեք միայն աչքերի ներքին անկյուններին:
