Հայտնի սուպերմոդել Բելլա Հադիդը հայտարարել է, որ Instagram-ը հեռացրել է իր՝ պաղեստինյան արմատներ ունենալու մասին գրառումը, գրում է People ամսագիրը։
23-ամյա սուպերմոդելի խոսքով՝ ինքը սոցցանցում ավելի վաղ տեղադրել էր հոր՝ Մոհամեդ Հադիդի ամերիկյան անձնագրի լուսանկարն ու գրառում կատարել․ «Իմ հայրը և նրա հայրենիք Պաղեստինը, հպարտ եմ պաղեստինցի լինելու համար», ինչից հետո Ինստագրամն այն ուղեկցել է հատուկ նշումով։
Հաղորդագրության մեջ ասվում է, որ հեռացումն արվել է «քանի որ այն հակասում է իրենց սկզբունքներին»։
«Հորս պաղեստինյան արմատներով հպարտանալով՝ ի՞նչ խախտում եմ արել։ Մի՞թե մեզ թույլ չեն տալիս պաղեստինցի լինել Ինստագրամում»,- արձագանքել է Հադիդը՝ հավելելով․«Մարդկանց լռեցնելով չեք կարող ջնջել պատմությունը։ Ուզում եք, որ նա հանուն ձեզ փոխի իր ծննդավայրը»։
