Ազարտային խաղերը գրավում են ոչ միայն հասարակ մարդկանց, որոնք ուզում են փորձել բախտն ու կլորիկ գումար շահել, այլ նաև հայտնի ու հարուստ մարդկանց, որոնք իրականում գումարի կարիք չունեն: Հայտնիներից շատերին դուր են գալիս խաղի ընթացքում ստացած սուր զգացողությունները, նոր ծանոթություններն ու խաղի ավարտից հետո մնացած հետաքրքիր հիշողությունները և նրանք շարունակում են խաղալ, անգամ, եթե պարտվում են: Սակայն, պետք է նշենք, որ ոչ բոլորն են «քամուն տալիս» շահած գումարները. հայտնիներից ոմանք փորձում են բարի նպատակների ծառայեցնել դրանք: Ինչևիցե, հոլիվուդյան բազմաթիվ հայտնիներ թաքցնում են ազարտային խաղերի նկատմամբ իրենց հակումը, բայց պապարացիներից ինչ-որ բան թաքցնելը շատ դժվար է: Հոլիվուդյան այս աստղերին լուսանկարիչները ֆիքսել են խաղադրույքներ կատարելիս, խաղատներում թղթախաղի սեղանի առաջ ու խաղային սարքերից օգտվելիս:
Քեմերոն Դիաս
Քեմերոն Դիասը չի թաքցնում, որ սիրում է մեծ գումարներով թղթախաղ խաղալ: Աստղը նույնիսկ հաճախ ծաղրում է ինքն իրեն խաղերով չափազանց տարվելու համար: Բայց Քեմերոնը խղճի խայթ չի զգում, քանի որ դերասանուհին իր շահած ողջ գումարը նվիրաբերում է բարեգործական հիմնադարամներին: Մասնավորապես, այդ գումարներն ուղղվում են այն հիմնադրամներին, որոնք աջակցում են քաղցկեղով հիվանդ երեխաներին:
Լեոնարդո ԴիԿապրիո
Դերասանը երբեք չի հանրայնացրել ազարտային խաղերի հանդեպ իր կիրքը, բայց արևմտայն մամուլը պարզել է, որ ԴիԿապրիոն հաճախ այցելում է Լոս Անջելեսի խաղատներից մեկը ու խաղում է միայն մեծ գումարներով:
Ջորջ Քլունի
«Օուշենի 11 ընկերերը» ֆիլմի նկարահանումներից հետո դերասանը սկսել է հետաքրքրվել խաղատներով ու խաղերով: Ամենահետաքրքիրն այն է, որ Ջորջ Քլունին դրանից հետո դարձել է Լաս Վեգասի շքեղ խաղատներից մեկի համասեփականատերը: Ասում են` դերասանը խաղատան շահույթի մի մասը տրամադրում է բիզնեսին, իսկ որոշ մասն էլ բարեգործական նպատակներով օգտագործում: Հատկանշական է, որ նրա խաղատանը կա հստակ դրես-կոդ, նույնիսկ ամենաբարձրակարգ հաճախորդներին մուտքի առաջ կարող են մերժել ու ներս չթողնել՝ պարտադիր կանոններին չհամապատասխանելու պատճառով:
Մեթյու Փերի
Մեթյու Փերին հայտնի պոկերի խաղացող է: Հոլիվուդում դերասանին համարում են պոկերի լավագույն խաղացողներից մեկը` հանրաճանաչ մարդկանց շրջանում: Հայտնի դերասանի սիրելի վայրը տեղակայված է խաղատների մայրաքաղաք համարվող Լաս Վեգասում, և կոչվում է «Բելաջիո»: Ասում են, որ Մեթյուն այդ խաղատանը VIP հաճախորդ է և նախընտրում է խաղալ փակ սենյակներում, որպեսզի հնարավորինս քիչ մարդկանց հետ հանդիպի: Դերասանը բացարձակապես չի թաքցնում ազարտային խաղերի հանդեպ իր մեծ սերը և անգամ ամերիկյան հեռուստատեսությամբ մասնակցում է նմանատիպ խաղերի:
Էշթոն Քաթչեր
Էշթոն Քաթչերը միակն է այս հնգյակում, ով չի այցելում խաղատուն: Դերասանը սիրում է առցանց խաղադրույքներ կատարել: Էշթոնը և նրա ընկերները մշակել էին գաղտնի սխեմա, որը նրանց թույլ էր տալիս գրեթե միշտ հաղթել: Նրանց ընդհանուր շահումների գումարը կարող էր հասնել մինչև ամսեկան մեկ միլիոն դոլարի: Ամերիկյան որոշ գրասենյակներ, գլխի ընկնելով այդ մասին, դադարեցին խաղադրույքներ ընդունել հոլիվուդյան դերասանի ու նրա ընկերների կողմից:
