Դեմքի առողջ ու թարմ տեսքը շատ կարևոր է, իսկ ամռանը, երբ կանայք կամ չեն դիմահարդարվում կամ շատ քիչ կոսմետիկա են օգտագործում, առավել քան կարևոր է առողջ և մաքուր մաշկ ունենալը։ Մաշկի սև կետերը կարող են խանգարել ու տհաճություն պատճառել, քանի որ դրանք դժվար է թեթև դիմահարդարմամբ քողարկելը։ Այդ սև կետերը հիմնականում հայտնվում են դեմքի T-զոնայում (քիթ, ճակատ, կզակ): Ձեր ուշադրությանն ենք ներկայացնում դիմակների երեք բաղադրատոմս, որոնք հեշտությամբ կմաքրեն ձեր մաշկը սև կետերից։
Բրնձով դիմակ
Մեկ քառորդ բաժակ բրինձն անհրաժեշտ է լվանալ սառը ջրով և լցնել ոչ մեծ կաթսայի մեջ: Այնուհետև դրա վրա պետք է այնքան եռացրած ջուր լցնել, որ այն ամբողջությամբ ծածկի բրինձը: Բրինձը պետք է այդպես մնա ողջ գիշեր, իսկ առավոտյան պետք է քամել այն և տրորել այն մինչև շիլայանման զանգված ստանալը։ Ստացված զանգվածը պետք է քսել դեմքին, թողնել 15 րոպե, այնուհետև լվանալ սենյակային ջերմաստիճանի ջրով։
Բուսական դիմակ
Այս դիմակը պատրաստելու համար անհրաժեշտ է մեկ ճաշի գդալ կտավատի սերմը խառնել կես ճաշի գդալ չորացրած երիցուկի ծաղիկների հետ, աղալ ու մանրացնել այդ խառնուրդը։ Ստացված խառնուրդի վրա պետք է լցնել մի փոքր եռացրած ջուր, պինդ փակել կափարիչով և թրմել 25-30 րոպե: Ստացված զանգվածը պետք է հաստ շերտով քսել դեմքին, թողնել 20-25 րոպե և լվանալ սկզում տաք, ապա սառը ջրով:
Սոդայով դիմակ
Սոդան լավ է մաքրում սև կետերը, բայց այն հակացուցված է օգտագործել մարդկանց, որոնք մաշկի վրա բշտիկներ և բորբոքային երևույթներ ունեն: Սոդայով մաքարող դիմակ պատրաստելու համար պետք է կես թեյի գդալ սոդան խառնել նույն քանակությամբ մանր աղի հետ: Դեմքը պետք է լվանալ շատ տաք, գրեթե եռման ջրով և նույնքան տաք ջրի մեջ թրջել մի կտոր բամբակ: Իրար խառնած սոդայից և աղից մի պտղունց անհարժեշտ է լացնել բամբակի վրա և զգուշությամբ քսել խոնավ մաշկին, հատկապես այն հատվածներում, որտեղ կան սև կետեր։ Մաշկը չի կարելի ուժեղ տրորել, այլ աշխատեք թեթև շփել այն, իսկ հետո լվացվել սառը ջրով։ Այս դիմակը թույլատրվում է օգտագործել շաբաթը մեկ անգամ։