Հեռուստահաղորդավարուհի Լերա Կուդրյավցևան քննադատության է ենթարկվել՝ ինստագրամյան էջում տեսանյութ հրապարալելով Թուրքիայում հանգստից։ Թանկարժեք հանգիստն առաջացրել է նրա երկրպագուների զայրույթը, որոնք մեկնաբանություններում արտահայտել են իրենց վրդովմունքը։
«Եվս մեկ անգամ համոզվում եմ, որ երեխաների հետ լավագույն հանգիստը Եվրոպայում չէ, այլ Թուրքիայում, ուր փոքրիկների համար ամեն ինչ կա»,- գրել է Կուդրյավցևան։ Հայտնի հաղորդավարուհին հոլովակում ցույց է տվել զվարճանքները, որը հյուրանոցն առաջարկում է, ինչպես նաև իր համարը։
Սակայն մեկնաբանություններում շատերը շտապել են քննադատել հաղորդավարուհուն։ Նրանք Կուդրյավցևային դատապարտել են Թուրքիայում հինգ աստղանի հյուրանոցում հանգստի պատճառով. «Ուղեգիրը, հավանաբար, փոքրիկ բնակարանի արժեք ունի»։ Մյուսները զայրացել են, որ նա երեխաների հետ մեկնել է կորոնավիրուսի տարածման ժամանակահատվածում, անկախ վարակվելու վտանգից. «Որքան էլ սահմանները բաց լինել, հիմա այնտեղ անվտանգ չէ»։
