Քարդի Բին զարմացել է երկրպագուներին իր «վայրի» սանրվածքով

Աշխարհահռչակ երգչուհին երկրպագուներին ներկայացել է վարդագույն մազերով և չափազանց անսովոր սանրվածքով:

Հայտնի ամերիկացի ռեփ-կատարող Քարդի Բին զարմացրել է համացանցի օգտատերերին իր տարօրինակ սանրվածքով։ Նոր կերպարը երգչուհին ցուցադրել է Ինստագրամի իր էջում հրապարակված տեսանյութի միջոցով։

Կադրերում երգչուհին հայտնվում է գունավոր զգեստով՝ խորը դեկոլտեով և վարդագույն մազերով։ Դրանք հավաքված են երկու սրտաձև կոսերով, որոնք տեղ-տեղ ալիքաձև տեսք են ստանում։

Աստղը հետաքրքրվել է, թե արդյո՞ք իր հետևորդներին դուր է գալիս իր նոր սանրվածքը: Օգտատերերը իրենց կարծիքն են հայտնել տեսանյութի մեկնաբանության բաժնում, որը 5 ժամում հավաքել է ավելի քան 5,5 միլիոն դիտում: