Ռուս դերասանուհի և ռեժիսոր Ռենատա Լիտվինովան սկսել է հանդիպել ֆրանսիացի միլիոնատիրոջ հետ: Այս մասին հայտնում է Tatler ամսագիրը։
Աստղը դարձել է հրատարակության նոր համարի հերոսուհին, որը վաճառքի է հանվել հունվարի 19-ից: Դերասանուհուն նվիրված հոդվածում նշվում է, որ նոր սիրեցյալ ունի։
«Ռենատան նոր ասպետ ունի crème de la crème-ից, ֆրանսիացի միլիոնատերերի արտոնյալ կաստայից, ամրոցների և հյուրանոցների սեփականատեր և, հավանաբար, թերթերի և շոգենավերի սեփականատեր: Միսյե X-ը, ով պանդեմիայի ընթացքում նրա համար բացել է ռեստորան»,- ասված է հրապարակման մեջ:
Լիտվինովան իր Ինստագրամում տեղադրել է Tatler-ի շապիկի լուսանկարը և կոչ արել կարդալ իր մասին նյութը:
Դեկտեմբերին հաղորդվում էր, որ դերասանուհին վարակվել է կորոնավիրուսով։ Լիտվինովան խոստովանել է, որ ախտորոշումը ստիպել է իրեն ավելի անհանգստանալ ավագ սերնդի մասին։
