Խեցգետին
Այս նշանի համար մոտ մարդիկ և ընտանեկան արժեքները միշտ առաջնահերթ կլինեն։ Խեցգետին տղամարդը սարեր կշրջի, որպեսզի իր ընտանիքն ապահովի ամեն ինչով։ Այն տանը, որտեղ տան գլուխը Խեցգետին է, գրեթե միշտ հարմոնիա է տիրում, բացակայում են սկանդալները, խանդի տեսարանները, ընտանիքի անդամներից յուրաքանչյուրը տանն իրեն զգում է պաշտպանված և երբեք ուշադրության պակաս չի ունենում։
Խեցգետինները շատ ռոմանտիկ նշաններ են, և եթե զուգընկերը նրան ոգեշնչի, ապա կենցաղային խնդիրներն այդպիսի ընտանիքի համար վտանգավոր չեն լինի։ Խեցգետինները սիրում են իրենց երեխաներին, սակայն նրանց դաստիարակության հարցը միշտ վստահում են իրենց երկրորդ կեսին։ Խեցգետինների հետ հարաբերություններ ստեղծելիս ամենակարևորը կտրուկ քննադատություններից խուսափելն է, քանի որ այս նշանն աչքի է ընկնում անսովոր փխրունությամբ։
Կշեռք
Այս նշանի տղամարդիկ հաճախ դառնում են կատարյալ ամուսիններ և հայրեր։ Նրանք կենցաղային հարցերում շատ լավ օգնական են դառնում իրենց կանանց համար, ակտիվ մասնակցություն են ունենում երեխաների դաստիարակության մեջ և միևնույն ժամանակ մնում են ընտանիքի գլխավոր աշխատուժը։ Բոլոր կոնֆլիկտները նրանք լուծում են խաղաղ ճանապարհով։
Այսպիսի ամուսնու հետ երկար և երջանիկ կյանք ապրելու հավանականությունը շատ մեծ է։
Այծեղջյուր
Եթե ընդունում եք, որ ընտանիքում գլխավորը տղամարդն է, ապա շատ լավ հարաբերություններ կարող եք ստեղծել Այծեղջյուրների հետ։
Կենդանակերպի այս նշանը շատ ապահով է, տղամարդկային, կարողանում է աշխատել և ճիշտ տնօրինել գումարը։
Կինը և երեխաները նրա համար միշտ առաջնահերթ կլինեն։
