83 տարեկան հասակում կյանքից հեռացել է խորհրդային հայտնի ռուս դերասան, Ռուսաստանի Դաշնության ժողովրդական արտիստ Անդրեյ Մյագկովը: Այս մասին «Ինտերֆաքս»-ին հայտնել է Մոսկվայի Չեխովի անվան գեղարվեստական թատրոնի մամուլի ծառայությունը:
«Անդրեյ Վասիլևիչը մահացել է»,- ասել է գործակալության զրուցակիցը:
Նա նշել է, որ մահվան պատճառը դեռ անհայտ է:
Մյագկովը ծնվել է 1938 թվականի հուլիսի 8-ին Լենինգրադում: Խորհրդային և ռուսական թատրոնի ու կինոյի դերասան է: ՌՍՖՍՀ ժողովրդական արտիստ, ԽՍՀՄ պետական մրցանակի և ՌՍՖՍՀ Վասիլիև եղբայրների պետական մրցանակի դափնեկիր: