Ռեփեր Պաբլո Ասելայի ազատազրկումից հետո մեկնարկած բողոքի ակցիաները անկարգությունների են վերածվել
Իսպանական Կատալոնիայում ռեփեր Պաբլո Ասելայի ազատազրկումից հետո մեկնարկած բողոքի զանգվածային գործողությունները շարունակվում են, հաղորդում է ТАСС-ը:
Բարսելոնայում հավաքված ցուցարարները բարիկադներ են ստեղծել, ծառեր ու աղբարկղեր հրդեհել, քարեր ու շշեր նետել ոստիկանների ուղղությամբ: Բողոքի ակցիաների մասնակիցները տարատեսակ առարկաներ են նետել «El Periodico» թերթի խմբագրության վրա:
Հաղորդվում է, որ այսօր տեղի ունեցած բախումների ընթացքում մեկ ոստիկան վիրավորվել է:Բողոքի ակցիաները անկարգությունների են վերածվել կատալոնական այլ քաղաքներում, մասնավորապես՝ Սաբադելում և Տարրագոնում, իսկ Վալենսիայում իրավապահները հարկադրված են եղել ուժ կիրառել ցուցարարների նկատմամբ:
Կատալոնիայի տարբեր շրջաններում բողոքի ակցիաներ են սկսվել ռեփեր Պաբլո Ասելայի՝ 9 ամիս ազատազրկման ենթարկվելու պատճառով, որը մեղադրվում է ահաբեկչության խրախուսման և թագը անարգելու համար:
Որոշ քաղաքներում բողոքի ակցիաները փողոց դուրս եկած քաղաքացիների և ոստիկանների միջև բախումների է վերածվել. ցուցարարները բարիկադներ են ստեղծել, մոտոցիկլեր և աղբամաններ հրդեհել, տարբեր առարկաներ նետել ոստիկանների նկատմամբ: Ի պատասխան, ոստիկանները ռետինե փափշուտներ են կիրառել ցուցարարների նկատմամբ:
![](https://showbiz.am/wp-content/uploads/2021/02/1597798744_0_321_3070_2048_1920x0_80_0_0_1a36357dc307efee35c78e7e787ae3c7-1024x576.jpg)