Ամերիկյան Keeping Up With the Kardashians ռեալիթի շոուի ամերիկահայ աստղ Քիմ Քարդաշյանն Ինստագրամում շնորհավորել է հայրիկի՝ Ռոբերտ Քարդաշյանի ծննդյան օրը։
Քիմն արխիվային լուսանկար է հրապարակել, որոնցում հայրը պատկերված է երիտասարդության տարիներին։
Քարդաշյանի խոսքով՝ ինքը հայրիկին, որը մահացել է 2003 թվականին, ամեն օր է զգում։
Աստղը նշել է, որ մինչ այժմ չի կարողանում հավատալ նրան, ինչ տեղի է ունեցել։
«Խնդրում եմ, երազում ինձ հյուր արի։ Ես պարզապես շատ եմ կարոտում քեզ»,- լուսանկարը մակագրել է Քիմը։
Ավելի վաղ Քարդաշյանը խոստովանել էր, որ իր կրտսեր որդուն՝ Փսալմին, համարում է հանգուցյալ հոր վերամարմնավորումը:
«Երբ Բալիում էինք և մեր շոուն էինք նկարահանում, մի կույր կին՝ մեդիում, մոտեցավ ինձ ու ասաց, որ ես մի որդի էլ եմ ունենալու, և որ նա լինելու է հորս ռեինկարնացիան»,- պատմել էր Քարդաշյանը:
Նա հավելել էր, որ այս թեմայով ևս մի ուշագրավ դեպք է եղել, երբ Փսալմի դայակը նրան ինչ-որ մանկական միջոցառման է տարել և այնտեղ դայակին մի կին է մոտեցել և ասել . «Այս երեխան ընտանիքի հանգուցյալ անդամներից մեկի վերամարմնավորումն է»:
![](https://showbiz.am/wp-content/uploads/2021/02/152823021_389662262363669_6797813544847176682_n.jpg)
![](https://showbiz.am/wp-content/uploads/2021/02/3693-576x1024.jpg)
![](https://showbiz.am/wp-content/uploads/2021/02/1236-576x1024.jpg)