Հոլիվուդյան դերասան Կիանու Ռիվզը BRZRKR անվանումով կոմիքսների շարքի էկրանավորման մեջ հանդես կգա ոչ միայն գլխավոր դերով, այլև կլինի նախագծի գործադիր պրոդյուսերը, գրում է Daily Mail-ը։
Հայտնի է, որ նախագիծը կթողարկվի Netflix սթրիմինգային հարթակում։
Պարբերականը նշում է՝ ի սկզբանե նախատեսվում է նկարահանել լիամետրաժ ֆիլմ, այնուհետև այդ պատմության մոտիվներով կնկարահանվի նաև անիմե։
BRZRKR-ը կոմիքսների շարք է, որը գրել են Կիանու Ռիվզը և Մեթ Քինդթը․ այն պատմում է անմահ ռազմիկ Bercerker-ի մասին։ Առաջին մասը թողարկվել է մարտի սկզբին և արդեն վաճառվել է 615 հազար օրինակով։
Նախագծի մյուս մանրամասները, այդ թվում՝ թողարկման ամսաթիվն ու դերասանական կազմը, դեռևս հայտնի չեն։
