Ինչպես ավելի վաղ հայտնել էինք, դերասանուհի, երգչուհի Քրիստինա Եղոյանն ամուսնացել է, իսկ նրա ընտրյալը Սիմոն Խաչատրյանն է: Նա և Քրիստինան հասակակիցներն են՝ երկուսն էլ ծնվել են 1993 թվականին՝ 1 ամսվա տարբերությամբ։
Հարսանիքից հետո Քրիստինան և ամուսինը մեղրամսի են մեկնել ծովափնյա երկիր, որտեղից Քրիստինան հաճախ լուսանկարներ է հրապարակում Ինստագրամի իր էջում:
Լուսանկարներից մեկին կից Քրիստինան գրել է, որ արևոտ եղանակը շատ էր կարոտել, իսկ ուղտի վրա արված լուսանկարում դերասանուհին գրել է. «Կուզեի ապրել մի երկրում, որտեղ մշտապես ամառ է»:
Քրիստինան նաև տեսանյութ է հրապարակել դայվինգից ու կից գրել. «Շատ սիրուն, շատ թափանցիկ ու մաքուր»:
Հիշեցնենք, որ Քրիստինան և Սիմոնն ամուսնացել են մարտի 10-ին Աբովյանի Սուրբ Հովհաննես Մկրտիչ եկեղեցում: Դերասանուհին հարսանիքին մանրակրկիտ էր նախապատրաստվել և երեք զգեստափոխություն ունեցել:
Посмотреть эту публикацию в Instagram
