Keeping Up With the Kardashians իրապատում շոուի աստղ Քայլի Ջեներին նկատել են Արևմտյան Հոլիվուդում՝ ընկերուհու հետ ընթրիքի գնալիս, գրում է բրիտանական Daily Mail պարբերականը՝ հրապարակելով պապարացիների արված լուսանկարները։
Լուսանկարներում Kylie Cosmetics-ի 23-ամյա հիմնադիրն ու սեփականատիրուհին ամբողջովին ճերմակազգեստ է։ Քայլին իր տեսքն ամբողջացրել է մեծ ադամանդե օղերով։
Պարբերականը նշել է, որ աստղը նախկիում քննադատել է մարթու կիրառումը հագուստում, սակայն հիմա կարծես նրա վերաբերմունքը փոխվել է և այժմ կեղծ մորթի է կրում։
Ջենների ընկերուհին՝ 24-ամյա երգչուհի և մոդել Փիա Միան, նույնպես տպավորիչ տեսք է ունեցել։ Աստղը կրել է վարդագույն նեղ և կարճ զգեստ և վարդագույն երկար վերարկու՝ համադրելով վառ վարդագույն բարձրակրունկների և Louis Vuitton տուփ-պայուսակի հետ։ Զարդերի ընտրության հարցում երգչուհին նախապատվությունը տվել է ադամանդե վզնոցին և երկար օղերին։
Հակառակ նրան, որ աստղային ընկերուհիներին վերջին շրջանում ավելի քիչ են միասին տեսնում, նրանց հարաբերություններն ամուր են։
