Էքստրեմալ դիետա. ինչպես մեկ շաբաթում ազատվել մինչև 15 կգ ավելորդ քաշից

Ավելորդ քաշն ու ճարպակալումը համարվում են ամենատարածված ու վտանգավոր խնդիրներից մեկը, քանի որ ավելորդ կիլոգրամները զգալիորեն բարձրացնում են տարատեսակ հիվանդությունների, այդ թվում նաև սրտանոթային հիվանդությունների ու քաղցկեղի զարգացման հավանականությունը: Սա է պատճառը, որ մասնագետները հորդորում են հնարավորինս շուտ ազատվել ավելորդ ճարպաշերտերից ու կարգի բերել կազմվածքը:

Սննդաբանները մշակել են տարատեսակ սննդակարգեր, որոնք օգնում են պայքարել ավելորդ քաշի դեմ ու հնարավորինս շուտ հասնել ցանկալի արդյունքին, սակայն դրանցից ոչ բոլորն են բավական արդյունավետ լինում: Այնուամենայնիվ կան նաև այնպիսինները, որոնք օգնում են շատ կարճ ժամանակահատվածում ազատվել զգալի ավելորդ քաշից:

Ձեր ուշադրությանն ենք ներկայացնում նման դիետաներից մեկը, որի բոլոր կանոններին հետևելու դեպքում կարելի է ընդամենը 7 օրում ազատվել մինչև 15 կիլոգրամ ավելորդ քաշից: Սակայն հարկ է հիշել, որ քաշի նման էքստրեմալ կորուստը լուրջ սթրես է օրգանիզմի համար, ուստի կարող է բավական տհաճ հետևանքներ ունենալ: Սա է պատճառը, որ նոր սննդակարգին հետևելուց առաջ հարկավոր է անպայման խորհրդակցել մասնագետի հետ և հաշվի առնել օրգանիզմի բոլոր առանձնահատկությունները:

Այս դիետայի միջոցով ավելորդ քաշից ազատվելու համար հարկավոր է խստորեն հետևել բոլոր կանոններին և օգտագործել միայն նշված մթերքը: Բացի այդ, ոչ մի դեպքում չի կարելի փոխել նշված բաղադրիչները կամ համադրությունները, քանի որ դա կարող է բացասաբար անդրադառնալ վերջնական արդյունքի վրա:

1-ին ու 2-րդ օրեր սննդակարգը.

Սննդակարգի առաջին ու երկրորդ օրերին մարդը կտրուկ նվազեցնում է օգտագործվող կալորիաների քանակությունը, ուստի հարկավոր է պատրաստ լինել նման զոհողության: Այս օրերին կարելի է ուտել միայն 20 գրամ տարեկանի հաց և խմել 1 լիտր կեֆիր (1% յուղայնությամբ):

3-րդ ու 4-րդ օրերի սննդակարգը.

Նախաճաշին՝ բնական սուրճ կաթով (1.5 % յուղայնությամբ), 1 թեյի գդալ մեղր,

Ճաշին՝ 200 գրամ հավի արգանալ, 2 ճաշի գդալ կանաչ ոլոռ,

Ընթրիքին՝ 150 գրամ հավի խաշած կրծքամիս:

5-րդ և 6-րդ օրերի սննդակարգը.

Նախաճաշին՝ 2 հատ խնձոր կամ 2 հատ նարինջ,

Ճաշին՝ 250 գրամ բանջարեղենային ապուր,

Հետճաշիկին՝ 2 հատ խնձոր կամ 2 հատ նարինջ,

Ընթրիքին՝ 200 գրամ բանջարեղենային աղցան (կանաչ ոլոռ, վարունգ, լոլիկ ու կիտրոնի հյութ):

7-րդ օրվա սննդակարգը.

Այս դիետայի 7-րդ օրվա ընթացքում հարկավոր է օգտագործել միայն հեղուկներ: Կարելի է խմել 1 լիտր կեֆիր, մինչև 3 բաժակ կանաչ թեյ և չգազավորված մաքուր ջուր առանց հավելումների:

8-րդ և 9-րդ օրերի սննդակարգը.

Նախաճաշին՝ 1 հատ թուրինջ,

Ճաշին՝ 200 գրամ հավի արգանակ,

Հետճաշիկին՝ 2 հատ խնձոր, 1 բաժակ կիտրոնով կանաչ թեյ,

Ընթրիքին՝ 200 գրամ հավի խաշած կրքամիս:

10-րդ օրվա սննդակարգը.

Նախաճաշին՝ 150 գրամ կաթնաշոռ (5% յուղայնությամբ) ու բնական սուրճ,

Ճաշին՝ 200 գրամ բանջարեղենային ապուր, 100 գրամ քերիչով մանրացրած հում գազար,

Հետճաշիկին՝ 200 մլ տոմատի հյութ,

Ընթրիքին՝ 150 գրամ հավի խաշած կրծքամիս, 50 գրամ կանաչ ոլոռ:

Այս դիետան կօգնի շատ արագ նիհարել ու կարգի բերել կազմվածքը, սակայն հարկ է հիշել, որ հետագայում նախկին սննդակարգին վերադառնալու դեպքում արդյունքը պահպանել չի հաջողվի: Քաշի ավելացումից խուսափելու համար հարկավոր է առաջին հերթին կարգի բերել սննդակարգը, վարել առողջ կենսակերպ ու լինել ֆիզիկապես ակտիվ: