ԱՄՆ Բևեռլի Հիլզ քաղաքի բժշկական կենտրոններից մեկի մուտքի մոտ պապարացիները հոլիվուդյան աստղ Բրեդ Փիթին լուսանկարել են անվասայլակին նստած, հաղորդում է Page Six-ը՝ երկրպագուներին հորդորելով «չանհանգստանալ դերասանի համար, քանի որ վերջինս պարզապես ատամնաբույժի մոտ այցելության էր գնացել»։
Աղբյուրի հաղորդմամբ՝ 57-ամյա Փիթին ուղեկցել է թիկնապահը։ «Մի անգամ Հոլիվուդում» ֆիլմի աստղը կրել է արևային ակնոց՝ ենթադրաբար պապարացիների հետապնդումներից խուսափելու համար։
Նշվում է, որ աստղը անվասայլակին է նստել հիվանդանոցի քաղաքականության պատճառով, որի համաձայն՝ բժշկական օգնություն ստացած հիվանդի ինքնազգացողությունը կարող է վատանալ, ուստի նրան հիվանդանոցի տարածքից պետք է ուղեկցել անվասայլակով։