«Նա չէր կարծում, որ Ալեքսի կողքին մնալը լավագույն տարբերակն է իր համար». նոր մանրամասներ Ջեյ Լոյի և փեսացուի բաժանման վերաբերյալ

Հայտնի դերասանուհի և երգչուհի Ջենիֆեր Լոպեսի նախկին փեսացուն՝ բեյսբոլիստ Ալեքս Ռոդրիգեսը, իր ինստագրամյան էջում շնորհավորել է դստեր 13-րդ տարեդարձը՝ համապատասխան տեսանյութում ներառելով նաև Լոպեսի մասնակցությամբ լուսանկար, հայտնում է բրիտանական Daily Mail պարբերականը։

Դերասանուհու ընկերներից մեկն ասել է, որ Լոպեսի և Ռոդրիգեսի հարաբերություններում, մինչև նշանադրությանը վերջ տալու մասին պաշտոնական հայտարարությունը, անվստահություն է եղել և հավելել, որ բազմաթիվ անլուծելի խնդիրներ են ի հայտ եկել։

Աղբյուրը նշել է նաև, որ, նոր The Sհotgun Wedding ֆիլմի նկարահանումների ընթացքում Ալեքս Ռոդրիգեսը մեկնել է Դոմինիկյան Հանրապետություն՝ իրենց հարաբերությունները կարգավորելու, քանի որ չէր կարող շրջանցել վստահության պակասը, սակայն «Ջենիֆեր Լոպեսը չէր կարծում, որ Ալեքսի կողքին մնալը լավագույն տարբերակն է իր համար»։

Զույգի բաժանումը, ըստ աղբյուրների, դժվար է եղել նաև երկուսի երեխաների համար, որոնք ապրում էին զույգի հետ։

«Նրանք հատկապես տխրել են երեխաների համար, քանի որ նրանք շատ մտերիմ էին», – հավելել է դերասանուհու ընկերը և ասել, որ նման դժվար ժամանակներ Լոպեսը նախկինում ևս ապրել է և կարողացել է հաղթահարել դրանք:

Ալեքս Ռոդրիգեսի հրապարակած տեսանյութում ներառված են բազմաթիվ կադրեր և լուսանկարներ ընտանեկան  շրջագայություններից, ինչպես նաև լուսանկարներ Ջենիֆեր Լոպեսի հետ։

Ինչպես ավելի վաղ տեղեկացրել էինք, Լոպեսն ու Ռոդրիգեսը համատեղ հայտարարությամբ պաշտոնապես հայտնել են իրենց բաժանման մասին: Լոպեսն ու Ռոդրիգեսը, որոնք միասին են 2017 թվականից և արդեն 2 տարի է, ինչ նշանադրված էին, հայտնել են, որ չեղարկում են իրենց նշանադրությունն ու փորձելու են ընկերներ մնալ:

Հիշեցնենք, որ թանկարժեք նշանադրության մատանին Լոպեսի մոտ է, և նա այն պահում է տանը։