Հայոց ցեղասպանության 106-րդ տարելիցի կապակցությամբ Հայաստանում և դրա սահմաններից դուրս ապրող շատ հայ հայտնիներ անդրադառնում են Հայոց ցեղասպանությանը, հարգում զոհերի հիշատակը՝ հրապարակելով լուսանկարներ ու տեսանյութեր։
Ռուսաստանաբնակ հայտնի դիմահարդար բյութի-բլոգեր Գոհար Ավետիսյանը նոր գրառում է կատարել Ինստագրամի իր էջում․
«Ապրիլի 24-ը Օսմանյան կայսրությունում Հայոց ցեղասպանության զոհերի հիշատակի օրն է:
Ուղիղ 106 տարի առաջ՝ 1915 թվականին, նրանք մի քանի տարի շարունակ գազանաբար մորթել են իմ նախնիներին և երկրի երեսից ցանկացել են ջնջել իմ ազգը…
Մարդկության պատմության մեջ ամենասարսափելի ողբերգությունն է …
Հիշում ենք, սգում և պահանջում ճանաչում»։
