Հայրենական մեծ պատերազմում հաղթանակի 76-ամյակի առթիվ Երևանում բացվեց «Արխիվային փաստաթղթերի և պլակատների» ցուցահանդեսը, որում ներկայացված են պատերազմի տարիներից բացառիկ լուսանկարներ, արխիվային նյութեր, պոստերներ:
Ցուցահանդեսի բացման հանդիսավոր արարողությունը տեղի ունեցավ «Դոմ Մոսկվի» մոսկովյան մշակութագործարարական կենտրոնում: Ցուցահանդեսին զուգահեռ անցկացվեց պատերազմին նվիրված «Ի՞նչ, որտե՞ղ, ե՞րբ» ինտելեկտուալ վիկտորինան: Միմյանց դեմ մրցեցին հայաստանյան բուհերի ուսանողները և ավագ դպրոցի աշակերտները:
Հայրենական մեծ պատերազմում հաղթանակին նվիրված միջոցառումները շարունակվելու են նաև 9-ին: Երևանի կենտրոնում և Հաղթանակի զբոսայգում քաղաքացիներին կբաժանվեն Գեորգիևյան ժապավեններ:
Միջոցառումները կեզրափակվեն մայիսի 11-ին Կոմիտասի անվան կամերային երաժշտության տանը «Պատերազմի օրերի մեղեդիները» խորագրով դասական համերգով, որն իրականացվում է ՀՀ ԿԳՄՍ նախարարության աջակցությամբ: Երեկոյին կհնչեն Դմիտրի Շոստակովիչի և Արամ Խաչատրյանի ստեղծագործությունները, որոնք ծնվել են Հայրենական պատերազմի տարիներին: Համերգին զուգահեռ դահլիճի ճեմասրահում կբացվի թեմատիկ ֆոտոցուցահանդես:
«Արխիվային փաստաթղթերի և պլակատների» ցուցահանդեսը կյանքի կոչվեց Ռոսարխիվի, Հայաստանի ազգային արխիվի և Ա. Խաչատրյան տուն–թանգարանի հետ համագործակցությամբ: