Ծագումով մեքսիկացի հոլիվուդյան դերասանուհի Սալմա Հայեքը InStyle ամսագրի հետ զրույցում խոստովանել է, որ Gucci նորաձևության տան հիմնադրի թոռ Մաուրիցիո Գուչիի սպանության մասին քրեական դրամայում՝ «Գուչի տունը» ֆիլմում նկարահանվելու համար 2020-ի վերջին «բավականին գիրացել է և հիմա դժվարանում է կորցնել ավելորդ քաշը»։
«Այս ընթացքում շատ քիչ եմ նիհարել․ գիրանալը հեշտ է, բայց երբ ուզում ես կրկին նիհարել՝ երկար ժամանակ է պահանջվում»,- խոստովանել է 54-ամյա Հայեքը։
Նրա խոսքով՝ ցանկանում է նիհարել մասամբ առողջության, մասամբ էլ՝ գեղեցիկ կառուցվածքը պահպանելու համար։
Այնուամենայնիվ, դերասանուհին ընդգծել է՝ շատ է գնահատում իր մարմինը, քանզի «այն մի շարք փորձությունների միջով է անցել»։
Նշենք, որ «Գուչիի տունը» ֆիլմի սցենարը հիմնված է Սառա Գեյ Ֆորդենի «Գուչիի տունը. սպանության, խելագարության, հմայքի և ագահության սենսացիոն պատմությունը» գրքի վրա․ այն կթողարկվի 2021-ի նոյեմբերին։
