Ամերիկյան Reddit ընկերության համահիմնադիր Ալեքսիս Օհանյանը կնոջ՝ ամերիկացի պրոֆեսիոնալ թենիսիստուհի Սերենա Ուիլյամսի ամենամեծ երկրպագուն է․ 38-ամյա Օհանյանը նախօրեին Ֆրանսիայի թենիսի բաց առաջնության տրիբունայից լուսանկար է հրապարակել, որտեղ, լայն ժպիտը դեմքին և հաղթական բռունցքը վեր պարզած, քաջալերում է կնոջը։
«Միշտ չափազանց բարձր եմ ծափահարում։ Մի՛շտ։ Մի՛ անհանգստացեք, ՄԱՅՐԻԿԸ համարժեք պատասխան կտա»,- Ֆրանսիայի թենիսի բաց առաջնությունում կիրակի Ուիլյամսի պարտությունից օրեր անց Instagram-ում գրել է հայազգի գործարարը։
Համացանցի օգտատերերը գնահատել են Օհանյանի հոգատարությունը և նվիրվածությունը։
«Այն, թե ինչպես են այս ընտանիքում աջակցում միմյանց, հիացմունքի է արժանի»,- գրել է օգտատերերից մեկը, մեկ ուրիշն էլ Օհանյանին անվանել է «հպարտ ամուսին»։
Նշենք նաև, որ Reddit-ի համահիմնադիրը դստեր՝ 3-ամյա Ալեքսիս Օլիմպիա Օհանյանի հետ Ֆրանսիայի բաց առաջնության ամբողջ ընթացքում տրիբունայից հետևել և քաջալերել է կնոջը։
