Ինչ հիվանդությունների առկայության դեպքում խորհուրդ չի տրվում լողալ ծովում և արևայրուք ընդունել։ Այս թեմայի շուրջ «Аргументы и факты»-ի հետ զրույցում խոսել է բժիշկ-մաշկաբան, կոսմետոլոգ, տրիխոլոգ Տատյանա Եգորովան։
«Ծովում լողալ կարելի է ցանկացած հիվանդության առկայության դեպքում։ Նույնիսկ անհրաժեշտ է լողանալ ծովում, դա միշտ լավ է անդրադառնում առողջության վրա», – նշել է Եգորովան։ Սակայն, կան մի շարք քրոնիկ հիվանդությունների, որոնց դեպքում հակացուցված է արևայրուքը։
Բժիշկն ընդգծել է, որ ոչ մի դեպքում չպետք է արևի տակ պառկեն օնկոլոգիական հիվանդություններ և ցանկացած նորագոյացություն ունեցող մարդիկ: Ուլտրամանուշակագույն ճառագայթները նպաստում են ուռուցքի մեծացմանը և վատ անդրադառնում բուժման գործընթացի վրա։ Նույնիսկ եթե գոյացությունը բարորակ է, պետք չէ «հրահրել» նրան։
«Օրինակ` եթե կինն ունի միոմաներ կամ կիստաներ, նա պետք է արևի տակ շատ չմնա։ Քանի որ այն ջերմային ֆոնն աճ է առաջացնում», – ասում է բժիշկը։
Եգորովայի կարծիքով` արևի տակ չպետք է լինեն նաև աուտոիմունային պաթոլոգիաներ ունեցող մարդիկ, ինչպես նաև որոշ մաշկային հիվանդություններ ունեցողները, ինչպիսիք են ֆոտոդերմատիտը, վիտիլիգոն, պսորիազը։
Մաշկային որոշ հիվանդություններ, ընդհակառակը, արևը բառացիորեն «սիրում» են։
Տարբեր էկզեմաների, քարաքոսի և մի շարք այլ պաթոլոգիաների դեպքում արևարյուքը խրախուսվում է, բայց չափավոր։ Տհաճ անակնկալներից խուսափելու համար անհրաժեշտ է նախապես խորհրդակցել բժշկի հետ, խորհուրդներ հարցնել արևից ճիշտ պաշտպանվելու համար։
