Դերասան Առնոլդ Շվարցենեգերը «Holiday Ops» ամենամյա տոնական միջոցառման շրջանակներում World of Tanks խաղի հերոս կդառնա:
World of Tanks-ը հրապարակել է թրեյլեր, որտեղ հայտարարվում է «Holiday Ops – 2022»-ի մասին` Շվարցենեգերի մասնակցությամբ:
Ինքը՝ Առնոլդը, առանձնահատուկ վերաբերմունք ունի տանկերի հանդեպ: «Ես ունեմ M-47 Patton, ծառայել եմ ավստրիական բանակում, երբ 18 տարեկան էի, ուստի գիտեմ, թե ինչ հուզմունք են առաջացնում այդ պողպատե գազանները: Reddit-ի օգտատերերը տարիներ շարունակ հարցնում էին, թե ե՞րբ կարող եմ հայտնվել World of Tanks-ում: Կարծես նրանց երազանքն իրականացավ»,- ասում է արտիստը։
Թե ինչպես Շվարցենեգերը կհայտնվի օնլայն տանկային խաղում, հստակ չի նշվում:
World of Tanks-ը թիմային մասսայական խաղ է, որն ունի ավելի քան 40 մարտական քարտեզներ, որոնք հիմնված են Երկրորդ համաշխարհային պատերազմի իրական վայրերի վրա: Օգտատերերը կարող են շահագործել ավելի քան 600 միավոր ընդհանուր թվով մեքենաներ:
