Դերասան Ջոն Տրավոլտան «MTV Video Music Awards» մրցանակաբաշխության ընթացքում լավագույն տեսահոլովակի համար մրցանակը հանձնելիս երգչուհի Թեյլոր Սվիֆթին շփոթել է Ջեյդ Ջոլիի հետ (Ջոշ Գրին)։ Տեղի ունեցածի տեսագրությունը հրապարակվել է Թվիթերում։
65-ամյա Տրավոլտան խոսքը սկսել է երկու անգամ հայհոյելով ուղիղ եթերում, ընդ որում MTV-ն հասցրել է նրա խոսքը խլացնել միայն երկրորդ անգամ։ Նա վերցրել է հաղթողի անունը պարունակող ծրարն ու ասել. «Օ, ես չպետք է դա անեմ, հակառակ դեպքում ինչ-որ կեղտոտ բան կասեմ։ Ինքդ արա դա»։ Ապա ծրարը փոխանցել է Լատիֆային։
Սակայն սա ամենը չէ։ Դրանից հետո Տրավոլտան փորձել է մրցանակը հանձնել Գրինին, որը հաղթողին հայտարարելուց հետո Սվիֆթից առաջ էր հայտնվել բեմում։
Նշենք, որ Ջոշ Գրինը արտիստ է, ով նմանակում է Թեյլոր Սվիֆթին։ Ի դեպ, նա նկարահանվել է Սվիթֆի «You Need to Calm Down» երգի տեսահոլովակում։ Գրինը բեմ էր բարձրացել մյուս դերասանների ու դերասանուհիների հետ, ովքեր մասնակցել էին տեսահոլովակի ստեղծման աշխատանքներին։
