Համացանցում կադրեր են հայտնվել բրիտանացի հայտնի երգչուհի Ադելի մասնակցությամբ, ով հայտնվել է լոնդոնյան հայտնի Heaven գեյ-ակումբում։ Տեսանյութերը հրապարակվել են cham_x_adele ինստագրամյան օգտահաշվում։
Գրառման մեջ ասվում է, որ աստղը լուսանկարվել է փետրվարի 10-ին Գրեհեմ Նորթոնի շոուից հետո, որտեղ խոսվում էր Brit Awards 2022-ում նրա հաղթանակի մասին:
Կադրերում երևում է, թե ինչպես է 33-ամյա արտիստուհին զվարճանում, պարում ընկերների և մերկապարուհիների հետ, ինչպես նաև պտտվում ձողի վրա:
Հիշեցնենք, որ հունվարի 21-ին Ադելը պետք է ունենար իր առաջին կենդանի համերգը հինգ տարվա դադարիցից հետո, սակայն նա չեղյալ է հայտարարել այն՝ իրավիճակը կապելով կորոնավիրուսի հետ։ Աստղի խոսքով՝ վարակված է եղել իր ողջ թիմը։
Посмотреть эту публикацию в Instagram
