Քիմ Քարդաշյանը դարձել է GQ ամսագրի «Տարվա տղամարդիկ» նոր համարի հերոսուհին։ Հարցազրույցում գործարար կինը բացատրել է, թե ինչ է սովորել իր հորից՝ Ռոբերտ Քարդաշյանից, ինչպես պատասխանել իր երեխաների հարցերին Քանյե Ուեսթի հետ ամուսնալուծության վերաբերյալ։
Շապիկին ռեալիթի աստղը կեցվածք է ընդունել լուսանկարիչ Ջեք Բրիդգլենդի համար՝ կրելով The Row բաճկոն և տաբատ, Brioni վերնաշապիկ և Cheetos պայուսակ: Տղամարդկանց հագուստի նկատմամբ Քիմի հետաքրքրությունը գալիս է հորից, ով մահացել է 2003 թվականին կերակրափողի քաղցկեղից։ «Այդ տղամարդը հիանալի ոճ ուներ»,- ասում է նրա նախկին կինը և Քիմի մայրը՝ Քրիս Ջենները։ Երբ նա և Ռոբերտը սկսեցին հանդիպել 1970-ականների կեսերին, նա կրում էր գրեթե բացառապես Gucci՝ սպորտային բաճկոններ, տաբատներ, լոֆերներ:
Այսօր Քիմը սիրում է հիշել հորը ոտքից գլուխ Gucci-ով, այլ ոչ թե գիշերազգեստով, որը նա կրել է մահացու հիվանդության դեմ պայքարի վերջին շաբաթների ընթացքում: Նա նաև հաճախ է հիշում այն խոսքերը, որոնք նա ասել է իրեն կյանքի վերջին օրերին։ «Ես գիտեմ, որ դու լավ կլինես: Կարծես տեսնում եմ ամեն ինչ առջևում: Ես գիտեմ, որ դու լավ կլինես, բայց պարզապես հոգ տար քո եղբոր և քույրերի մասին իմ փոխարեն: Միայն հոգ տար նրանց մասին»: Քիմը նշել է, որ հոր խոսքերն իրեն ստիպել են «ապագայում այլ կերպ որոշումներ կայացնել»։
Երբ Ռոբերտ Քարդաշյանն ու Քրիս Ջենները բաժանվեցին, Քիմը ինը տարեկան էր, մոտավորապես նույն տարիքում, ինչ այժմ նրա ավագ դուստր Նորթն է։ Նա հաճախ է մտածում, թե ինչպես են նրանք վերապրել իրենց ընտանիքի փլուզումը չորս փոքր երեխաների աչքի առաջ։ «Մտածում էի, թե ինչպես են ծնողներս վերաբերվում դրան, միայն հիշում եմ, որ բաց էին խոսակցությունների առաջ»:
Մի քանի տարի առաջ Skims ներքնազգեստի ապրանքանիշի հիմնադիրը նման իրավիճակի միջով անցավ՝ ամուսնալուծության հայց ներկայացնելով ամուսնուց՝ Քանյե Ուեսթից և մինչ այժմ փորձում է օգնել իր երեխաներին ընդունել իրենց ընտանիքում տիրող հանգամանքները։
«Վերջիվերջո, կարևոր է, որ երեխաները զգան, որ իրենց սիրում և լսում են: Դուք պետք է զգայուն լինեք, քանի որ նրանք դեռ երեխաներ են, և դա դժվար է հաղթահարել, անկախ նրանից, թե որ տարիքում եք: Խոցելի լինելը նորմալ է: Երբեք չպետք է բացասական տրամադրվեք»:
