Հրապարակվել է ռեժիսոր, դերասանուհի Աննա Հարությունյանի «Մեդալի հակառակ կողմը» դրամայի պաշտոնական թրեյլերը: Ֆիլմը պատմում է հայ ծանրորդ Նազիկ Ավդալյանի կյանքի և սպորտային անհավանական կարիերայի մասին:
«Մի ամբողջ կյանք էր պետք պատրաստվելու համար, և երկու տարի՝ իրականացնելու համար… Շնորհակալ եմ այն բոլոր հայերին, որոնք հավատացին այս գաղափարին, նեցուկ եղան և կյանքի կոչեցին այն…»,- թրեյլերին կից գրել է Աննա Հարությունյանը։
Ֆիլմի դերասանական կազմում են Արտաշես Ալեքսանյանը, Դավիթ Հակոբյանը, Մկրտիչ Արզումանյանը, Բաբկեն Չոբանյանը, Խորեն Լեւոնյանը, Անահիտ Քոչարյանը, Արուսիկ Գրիգորյանը, Սոս Ջանիբեկյանը և այլք:
«Մեդալի հակառակ կողմը» մեծ էկրաններ կբարձրանա սեպտեմբերի 12-ին և կցուցադրվի բոլոր կինոթատրոններում։
