Բրեդ Փիթն ու Անջելինա Ջոլին պատրաստ չեն անգամ պատահական հանդիպման, ինչը հաստատվել է Վենետիկի կինոփառատոնում։ Կազմակերպիչները աստղերին ուղարկել են տարբեր երթուղիներով։
Փառատոնի գեղարվեստական ղեկավար Ալբերտո Բարբերան Vanity Fair-ին տված հարցազրույցում նշել է, որ փառատոնը խուսափում է հայտնի նախկին ամուսինների ֆիլմերի միջև բախումներ պլանավորելուց։ «Անջելինան կլինի օգոստոսի 29-ին: Անմիջապես հետո նա «Մարիայի» ռեժիսոր Պաբլո Լարենի հետ կմեկնի Կոլորադոյի Telluride կինոփառատոնին: Բրեդը չի գա մինչև շաբաթ օրը: Ոչ մի կերպ նրանք չեն կարող հանդիպել միմյանց հետ», – բացատրել է Ալբերտոն:
Հիշեցնենք, որ Անջելինա Ջոլին և Բրեդ Փիթը ծանոթացել են «Միստր և միսիս Սմիթ» ֆիլմի նկարահանման հրապարակում և հայտարարել իրենց սիրավեպի մասին 2006թ. Իսկ ութ տարի անց՝ 2014 թվականին, նրանք ամուսնացել են։
Սակայն Փիթի ու Ջոլիի երջանկությունը երկար չտևեց՝ 2016 թվականին հայտնի դարձավ, որ աստղերը որոշել են բաժանվել։ Եվ միայն յոթ տարի անց՝ անցած ամառ, նրանք վերջապես ավարտեցին ամուսնալուծության գործընթացը։ Նրանք միասին ունեն 6 երեխա՝ Շայլոն, Զահարան, Նոքսը, Վիվիենը, Մեդոքսը և Պաքսը
