Queen-ի կիթառահար Բրայան Մեյը սոցիալական ցանցերում հայտնել է, որ ինսուլտի պատճառով ժամանակավորապես կորցրել էր ձախ ձեռքի շարժունակությունը։
МИР 24-ի փոխանցմամբ՝ ըստ երաժշտի, ամեն ինչ տեղի է ունեցել մոտ մեկ շաբաթ առաջ։ Այժմ նա իրեն ավելի լավ է զգում և նույնիսկ վերսկսել է կիթառ նվագել։
«Առողջական այս փոքրիկ խնդիրը կոչվում է միկրոինսուլտ: Հանկարծ կորցրի ձախ ձեռքիս շարժունակությունը։ Լավ նորությունն այն է, որ ես լավ եմ»,- նշել է Մեյը։
Բժիշկները խորհուրդ են տվել կիթառահարին մնալ տանը և որոշ ժամանակ մեքենայի ղեկին չնստել։ Բացի այդ, նա չպետք է անհանգստանա։
Աղբյուր` Panorama.am
