Լեգենդար երգչուհի Սելին Դիոնը մտադիր է շարունակել իր հաղթարշավը աշխարհի գլխավոր բեմերով։ Հաջորդ տարի նա ցանկանում է ելույթ ունենալ Եվրատեսիլում։
Այս կատարումը կարող է խորհրդանշական դառնալ երգչուհու կարիերայի վերածննդի համար՝ ծանր հիվանդության դեմ պայքարի ֆոնին։ Մրցույթը տեղի կունենա Շվեյցարիայում։ Այնտեղ է Սելինն առաջին անգամ հաղթել մրցույթում 1988 թվականին։ Չնայած Սելինի վերադարձի մասին համառ խոսակցություններին, կազմակերպիչները խուսափում են պատասխաններ տալուց: «Մենք հիանալի շոու ենք ցուցադրում: Եվ դուք իրավացի եք, Սելին Դիոնը լեգենդ է: Արդյո՞ք մենք փորձում ենք նրան ձեռք բերել: Ես չեմ կարող այս պահին ասել ձեզ: Այսպիսով, դուք ստիպված կլինեք մի փոքր համբերատար լինել: Մոտավորապես մինչև հաջորդ մայիս»,- ասել է Եվրատեսիլի պրոդյուսեր Մորից Շտադլերը Eurovis-Huns փոդքաստում:
Հիշեցնենք, որ Սելին Դիոնը 2022 թվականից տառապում է հազվագյուտ աուտոիմուն նյարդաբանական հիվանդությամբ։ Փոփ-դիվան հիվանդության մասին բացահայտելուց հետո չեղյալ է հայտարարել իր շրջագայությունը և գրեթե դադարել է հանրության առաջ հայտնվել:
