Իրինա Շեյքին նկատել են անծանոթի հետ. նրանք իրար ձեռք են բռնել

Ռուս սուպերմոդել Իրինա Շեյքը մասնակցել է երգչուհի Ռոզալիայի փարիզյան երեկույթին։ Նա միջոցառումից հեռացել է գիշերվա երկուսին, բայց ոչ միայնակ, այլ անծանոթ տղամարդու ուղեկցությամբ։

Իրինան ու երիտասարդը միմյանց ձեռք են բռնել, բացառիկ լուսանկարներ է տարածել DailyMail-ը։ Բայց ոչ ոք չգիտի, թե ինչ հարաբերություններ ունեն նրանք։

Աստղի երկրպագուները նկատել են նաև մոդելի արտասովոր զգեստը։ Ասիմետրիկ սև և կարմիր ծայրը մի կողմից մաքսի կիսաշրջազգեստ էր դառնում, իսկ մյուս կողմից ամբողջությամբ բացում հետույքը։

Իրինան բազմիցս կրել է համարձակ և բացահայտ զգեստներ հանրային միջոցառումներին: Մի անգամ մոդելը Միլանում Vogue ամսագրի երեկույթին գնացել էր կիսաթափանցիկ զգեստով, որը գրեթե ոչինչ չէր թաքցնում: