Հայտնի է դարձել, որ Լիամ Փեյնի մահից հետո նրա հարստությունը կժառանգի նրա 7-ամյա որդին՝ Բիրը։ Այդ մասին Daily Mail-ին հայտնել է ինսայդերներից մեկը:
«Նա պաշտում էր Բիրին և միշտ ցանկանում էր ֆինանսապես ճիշտ բաներ անել: Ողբերգական է, որ նրանք երբեք իրական հայր-որդի կապ չեն ունեցել։ Լիամը կորած հոգի էր, ինքնուրույն, տնից հազարավոր մղոններ հեռու, դա սարսափելի է: Բայց նա միշտ զանգում էր Բիրին: Նրանք շատ էին խոսում միմյանց հետ, և Լիամը նրան տեսնում էր այնքան հաճախ, որքան կարող էր: Չնայած իր դժվարություններին, որոնց մասին մենք այժմ լիովին գիտենք, Լիամը շատ էր սիրում իր որդուն: Թույլ մխիթարությունն այն է, որ Բիրը երբեք ոչ մի բանի կարիք չի ունենա»,- ասել է աղբյուրը։
Ի դեպ, հրապարակումը պարզաբանում է, որ տղան կժառանգի 30 մլն ֆունտ ստերլինգ կարողություն։
Լիամի և Շերիլի հարաբերությունները սկսվել են 2016-ին, արդեն 2018-ին Girls Aloud-ի մենակատարը լույս աշխարհ է բերել երաժշտի որդուն՝ Բիրին: Սակայն մեկ տարի անց Շերիլը և Լիամը հայտարարեցին բաժանման մասին ։
Հիշեցնենք, որ One Direction-ի նախկին անդամի մահվան մասին հայտնի է դարձել հոկտեմբերի 17-ի գիշերը։ Հյուրանոցի հյուրերը պատմել են, որ ողբերգությունից մի քանի ժամ առաջ աղմուկ ու ճիչեր են լսել։ Նրանք նույնիսկ կարծում էին, որ վերանորոգման աշխատանքներ են ընթանում։
